У суботу і нядзелю Дзяржаўтаінспекцыя ўзмоцніць кантроль на дарогах у месцах правядзення рэлігійных мерапрыемстваў, прысвечаных святкаванню Вялікадня. Нарады ДПС асаблівую ўвагу нададуць выяўленню нецвярозых вадзіцеляў і «бяспраўнікаў». Дадатковыя меры будуць прыняты ў дачыненні да матацыклістаў, веласіпедыстаў і карыстальнікаў сродкаў персанальнай мабільнасці, паведамілі ў прэс-службе МУС.
У святочныя дні чакаецца павелічэнне трафіку на загарадных дарогах і нестабільныя пагодныя ўмовы. ДАІ заклікае ўдзельнікаў дарожнага руху быць уважлівымі, выконваць правілы і праяўляць узаемную павагу.
🔥 Падтрымайце Reform.news данатам!
