Беларуская моладзь адрынае тыранію. Яна адыграла ключавую ролю ў 2020 годзе. Пра гэта заявіла Святлана Ціханоўская ў прывітальным слове на форуме “Моладзь, гендар і дэмакратыя для Беларусі”, які праходзіць у Стакгольме.
Святлана Ціханоўская падзякавала Швецыі за падтрымку дэмакратычнай Беларусі. Паводле яе слоў, гэта не падзяка, а інвестыцыя ва ўласную бяспеку.
“Для гэтага мы павінны прынесці ў Беларусь рэальныя змены — ліквідаваць дыктатуру, правесці дэмакратычныя выбары і вярнуць Беларусь у еўрапейскую сям’ю», — сказала яна.
«Я ўпэўненая, што маладыя людзі з Беларусі стануць рухаючай сілай гэтых зменаў. Таму мы павінны ўкладваць у іх. Беларуская моладзь адхіляе тыранію. Яна не хоча быць часткай так званага «рускага свету». Яны глядзяць на Швецыю як на ўзор — як на прыклад таго, якой можа стаць Беларусь.
Беларуская моладзь адыграла ключавую ролю ў 2020 годзе. Студэнты выйшлі на страйк, далучыліся да пратэстаў і змагаліся за свабоду. Калі пачалася вайна, маладыя людзі выступілі супраць яе. Многія пайшлі абараняць Украіну — і некаторыя заплацілі за гэта сваім жыццём. Як Марыя Зайцава, якой было ўсяго 24 гады, калі яна загінула, абараняючы Украіну.
І сёння беларуская моладзь працягвае супраціўляцца — як у краіне, так і ў выгнанні. Яны плацяць высокую цану: турэмнае зняволенне, выгнанне, рэпрэсіі. Але нішто іх не спыніць», — дадала Ціханоўская.
Як паведамілі ў яе офісе, праграма форуму ўключае панэльныя дыскусіі і рабочыя групы па ўдзеле моладзі, гендарнай роўнасці, правах ЛГБТК+, а таксама практычных інструментах для развіцця моладзевых ініцыятыў.
Форум арганізаваны Офісам Ціханоўскай, Беларускім нацыянальным моладзевым саветам “РАДА”, прадстаўніцтвам АПК па сацыяльнай палітыцы пры падтрымцы МЗС Швецыі.
