У 2025 годзе ў Беларусі 21,9 тыс. сем’яў з ліку тых, хто стаіць у чарзе на паляпшэнне жыллёвых умоў, атрымалі новае жыллё, паведамілі ў Белстаце. У тым ліку сярод іх было 5,7 тыс. маладых сем’яў, 7,5 тыс. шматдзетных сем’яў, 1,8 тыс. сем’яў, якія маюць права на атрыманне жылых памяшканняў сацыяльнага карыстання.
За год чарга на паляпшэнне жыллёвых умоў скарацілася на 16,8 тыс. сем’яў. На канец 2025 года ў чарзе стаялі 541,7 тыс. домагаспадарак.
У гарадах і пасёлках гарадскога тыпу колькасць сем’яў, якія стаяць на ўліку тых, хто мае патрэбу ў паляпшэнні жыллёвых умоў, зменшылася на 14,7 тыс., у сельскіх населеных пунктах — на 2,1 тыс. сем’яў.
🔥 Падтрымайце Reform.news донатам!
