Беларуская мытня выявіла буйную партыю незадэклараваных тавараў кітайскай вытворчасці ў грузавіку казахстанскага перавозчыка. Транспартны сродак перахапіла аператыўная мытня.
“Мытнікі спынілі грузавік пры правядзенні спецмерапрыемстваў. Падчас дагляду высветлілася, што звесткі аб 90 тыс. адзінак набораў касметыкі, скрынак для захоўвання, ліхтароў, гадзіннікаў, свяцільнікаў, сумак, эндаскопаў і шмат чаго іншага не ўказаны ў таварна-суправаджальных дакументах”, – гаворыцца ў паведамленні ДМК.
Кошт незаяўленага тавару склаў больш за 1,8 млн рублёў. У выніку на мытных плацяжах маглі зэканоміць 583 тыс. рублёў.
Пачаты адміністрацыйны працэс.
🔥 Падтрымайце Reform.news данатам!