Пасол Беларусі Дзмітрый Дзеравінскі сустрэўся з міністрам замежных спраў Венесуэлы Іванам Эдуарда Хілем Пінта, паведамляе прэс-служба беларускага МЗС.
Падчас перамоваў беларускі дыпламат пацвердзіў «поўную падтрымку і салідарнасць Беларусі з народам і баліварыянскім урадам Венесуэлы ў пытаннях абароны нацыянальных інтарэсаў і дзяржаўнага суверэнітэту».
«Рашуча асудзіў беспрэцэдэнтную знешнюю агрэсію ў дачыненні да мірнай дзяржавы і выказаў глыбокія спачуванні ў сувязі з гібеллю вялікай колькасці людзей у выніку начной атакі, здзейсненай 3 студзеня 2026 года супраць Венесуэлы», — гаворыцца ў прэс-рэлізе.
Кіраўнік МЗС Венесуэлы ад імя баліварыянскага ўрада выказаў словы «шчырай удзячнасці» Аляксандру Лукашэнку за «цвёрдую пазіцыю ў абароне суверэнітэту Венесуэлы і за прынцыповую паслядоўнасць у развіцці сяброўскага беларуска-венесуэльскага дыялогу», паведамілі ў ведамстве.
Бакі пацвердзілі гатоўнасць да далейшага ўмацавання плённага супрацоўніцтва паміж дзвюма краінамі ў розных сферах.
