«Рускія дамы» раздалі беларускім першакласнікам 1500 заплечнікаў «Расія з вамі»
Рэдакцыя Reform.news · 4 верасня 2026, 21:44
https://reform.news/be/ruskija-damy-razdali-belaruskim-pershaklasnikam-1500-zaplechnika-rasija-z-vami/Рассупрацоўніцтва праз «Рускія дамы» ў розных гарадах Беларусі раздало беларускім першакласнікам 1500 заплечнікаў са школьнымі прыладамі.
Акцыя «Паехалі! Па веды» прайшла пры падтрымцы Беларускага Чырвонага Крыжа. Да 1 верасня заплечнікі атрымалі школьнікі ў Мінску, Гродне, Магілёве, Гомелі, Брэсце, Жлобіне, Мазыры, Рэчыцы і іншых гарадах.
На заплечніках намаляваны касманаўт з двума сцягамі: чырвона-зялёным і расійскім трыкалорам, а таксама Юрый Гагарын, ракета, планеты і іншыя прадметы на касмічную тэматыку. Да кожнага заплечніка прымацаваны бірулька «Расія з вамі».
Як паведамляў «Рускі дом» у Мінску, партфелі падарылі дзецям-сіротам, дзецям з малазабяспечаных сем’яў, якія знаходзяцца ў цяжкай жыццёвай сітуацыі або САП, дзецям з інваліднасцю і асаблівасцямі развіцця.
