Пасол Беларусі ў Венесуэле Дзмітрый Дзеравінскі сустрэўся з сектаральным віцэ-прэзідэнтам па пытаннях планавання — міністрам планавання Венесуэлы Рыкарда Хасэ Менендэсам Прыета.
У сустрэчы таксама прынялі ўдзел міністр прамысловасці і нацыянальнага гандлю Венесуэлы Луіс Антоніа Вільегас Рамірэс, яго намеснік Хасэ Хаўер Эрнандэс Кастыльё і прэзідэнт венесуэльскай карпарацыі аўтамабільнай прамысловасці «Корсааўта» Мілейдзі Андрэіна Басцідас Манцілья.
Бакі абмеркавалі беларуска-венесуэльскае супрацоўніцтва ў прамысловай сферы, надаўшы асаблівую ўвагу сумесным праектам па зборцы аўтатрактарнай і грузавой тэхнікі на пляцоўках сумесных прадпрыемстваў у штаце Барынас. Дасягнута дамоўленасць аб правядзенні ў найбліжэйшы час шэрагу сустрэч на экспертна-тэхнічным узроўні для актывізацыі кааперацыйных сувязяў, паведамілі ў прэс-службе беларускага МЗС.
