Банк Расіі абмяркоўвае з калегамі з Нацыянальнага банка Беларусі рэгуляванне крыптавалют. Пра гэта паведаміў намеснік старшыні расійскага цэнтрабанка Уладзімір Чысцюхін.
«Мы ў цяперашні час маем дастаткова шчыльны дыялог, у першую чаргу, з нашымі калегамі з Рэспублікі Беларусь. Сапраўды, у іх ужо дзейнічае крыптарэгуляванне, і многія расійскія ўдзельнікі карыстаюцца іх інфраструктурай, інструментамі», — сказаў ён, перадае РБК.
«Мы будзем дамаўляцца з імі персанальна такім чынам, каб, з аднаго боку, мы захавалі тыя магчымасці, якія ў нас ёсць па выкарыстанні іх рынку, і каб яны мелі максімальна зразумелыя, простыя правілы ўваходу на наш рынак», — дадаў ён.
Трэба адзначыць, што найбліжэйшым часам у Беларусі ўступіць у сілу ўказ аб крыптабанках, які дазволіць ствараць адпаведныя фінансавыя ўстановы.