Найбуйнейшая беларуская малочная кампанія “Савушкін прадукт” апублікавала фінансавыя вынікі сваёй дзейнасці ў 2025 годзе.
Як вынікае з дакументаў, размешчаных на ЕПФР, выручка кампаніі ад рэалізацыі вырасла ў мінулым годзе адразу на 28,3% і склала 5,01 млрд рублёў. Рост выручкі, верагодна, быў абумоўлены ў тым ліку і тым, што 31 сакавіка мінулага года да “Савушкіна прадукту” было далучана ТАА “Савушкін-Орша”.
Сабекошт рэалізаванай прадукцыі пры гэтым павялічыўся на 21,3% да 3,43 млрд рублёў.
Чысты прыбытак прадпрыемства падскочыў на 84,2% да 572,5 млн рублёў.
Доўгатэрміновыя абавязацельствы па крэдытах і пазыках павялічыліся на 36,3% да 245,7 млн рублёў.
Сярэднеспісачная колькасць работнікаў у 2025 годзе склала 6914 чалавек.
🔥 Падтрымайце Reform.news данатам!