Беларускія мытнікі перахапілі найбуйнейшую ў гісторыі партыю наркотыкаў і псіхатропаў. Аб гэтым паведамілі ў ДМК.
“Восем тысяч брыкетаў з 915 кг гашышу і 50 каробак з 367 кг мефедрону злачынцы меркавалі перамясціць у грузавіку польскага перавозчыка ў Беларусь і Расію пад выглядам заяўленай у дакументах партыі мінеральнай вады”, — гаворыцца ў паведамленні.
У ДМК таксама адзначылі, што некалькі дзясяткаў бутэлек вады ўсё ж такі выкарыстоўваліся ў якасці прыкрыцця.
“Схему выявілі супрацоўнікі Аператыўнай мытні, якія прынялі рашэнне дэталёва даглядзець грузавік пасля сканавання яго змесціва з выкарыстаннем інспекцыйна-дагляднага комплексу.
Улічваючы тое, што пасля афармлення груз павінен быў праследаваць у Расійскую Федэрацыю, мытнымі органамі Беларусі сумесна з калегамі з Расіі праведзены наступныя аператыўна-вышуковыя і іншыя мерапрыемствы”, — дадалі ў ДМК.
У выніку затрыманыя іншыя ўдзельнікі групы, у тым ліку грамадзяне краін ЕС, Беларусі, Расіі і Малдовы. Пры вобшуку ў іх канфіскаваны яшчэ 5 кг гашышу і мефедрону.
Паведамляецца, што кошт канфіскаваных наркотыкаў ацэньваецца ў 62 млн долараў. Іх колькасці хапіла б на 2,933 млн доз.
Узбуджана крымінальная справа.
