Жыхар Мсціслаўскага раёна перарабіў пісталет для падводнага палявання ў баявы. Пра гэта распавялі ў ДКСЭ. Былі ўстаноўлены некалькі фактаў незаконнага абыходжання са зброяй з боку падазраванага.
“51-гадовы рабочы прадпрыемства набыў ахалошчаны пісталет і святлогукавыя патроны. З дапамогай падручных сродкаў унёс у іх змены, зрабіўшы баявымі, і прадаў знаёмаму, у якога супрацоўнікі міліцыі і канфіскавалі і зброю, і патроны”, – гаворыцца ў паведамленні.
Эксперт-баліст прыйшоў да высновы, што зброя была выраблена самаробным спосабам са спісанага ахалошчанага пісталета мадэлі «Р-411» калібра 10ТК. Пісталет прыдатны для стральбы.
Пазней фігурант набыў пісталет для падводнага палявання, таксама перарабіў яго ў агнястрэльную зброю і прадаў іншаму чалавеку. Аднак у выніку пакупнік здаў зброю міліцыі.
“Як устаноўлена экспертам, аб’ект выраблены самаробным спосабам з пісталета для падводнага палявання (вытворчасці перыяду СССР) шляхам унясення канструктыўных змен, прыдатны для выканання асобных стрэлаў патронамі кальцавога ўзгарання і з’яўляецца ручной стралковай кароткаствольнай гладкаствольнай агнястрэльнай зброяй”, – распавялі ў ДКСЭ.
Суд Мсціслаўскага раёна прызнаў мужчыну вінаватым і прызначыў яму пакаранне ў выглядзе абмежавання волі без накіравання ў папраўчую ўстанову адкрытага тыпу тэрмінам на тры гады са штрафам 35 базавых велічынь. Прысуд суда ўступіў у законную сілу.