Кірыла Краўцова, заснавальніка арт-вёскі «Чырвоны Кастрычнік», прыгаварылі да чатырох гадоў «хатняй хіміі». Яго абвінавацілі па ч. 1 і 2 арт. 361-4 КК (садзейнічанне «экстрэмісцкай дзейнасці») за паведамленне «Беларускаму Гаюну». Прысуд вынес Гомельскі абласны суд, паведамляе «Флагшток».
Краўцова затрымалі ў чэрвені 2025 года. Ён — заснавальнік унікальнай арт-вёскі «Чырвоны Кастрычнік» (Чырвоны Кастрычнік у Рэчыцкім раёне). Разам з сябрамі-энтузіястамі Кірыла выкупіў некалькі дамоў у вёсцы і выратаваў яе ад знікнення, арганізаваўшы тут экапаселішча. Тут ён жыў, займаўся рамесніцтвам, стварыў уласную ганчарную вытворчасць, ладзіў фестывалі і творчыя сустрэчы.
Па гэтай жа артыкуле вынесены прысуды 47-гадовай жыхарцы Мазыра Ганне Багінскай, жыхару Мазыра Дзмітрыю Карнейчыку, 40-гадовай мазырачанцы Любові Рагожкінай, 39-гадоваму гамяльчаніну Андрэю Янковічу. Дакладныя прысуды высвятляюцца.
Праваабаронцам таксама вядомы яшчэ адзін затрыманы па «справе Гаюна» — 28-гадовы ўраджэнец Гомеля, заснавальнік стартапу HandEnergy Міхаіл Вага.
