Савет міністраў Беларусі перагледзеў тарыфы на паслугі па правядзенні культурных мерапрыемстваў. Пастанова ўрада №215 ад 2 мая сёння апублікавана на Нацыянальным прававым інтэрнэт-партале і ўступае ў сілу пасля апублікавання.
У дакуменце ўдакладняецца, што дзеянне палажэння аб парадку выплаты ўзнагароджання за аказанне паслуг па правядзенні мерапрыемстваў не распаўсюджваецца на мерапрыемствы, якія аплачваюцца без прыцягнення бюджэтных сродкаў.
Таксама ўрад вырашыў адмовіцца ад градацыі памеру ўзнагароджання ў залежнасці ад складанасці мерапрыемства. Раней розныя памеры прадугледжваліся для мерапрыемстваў мясцовага, рэспубліканскага ўзроўняў, з удзелам вышэйшых службовых асоб.
Адпаведна перагледжаны гранічныя памеры ўзнагароджанняў. Яны ўстаноўлены на ўзроўні ўзнагароджанняў за мерапрыемствы з максімальнай складанасцю, прапісаныя раней.
Аўтар сцэнарыя можа атрымаць да 70 базавых велічынь, галоўны рэжысёр — да 80 базавых велічынь.
Для мастацкіх калектываў прыбралі градацыю не толькі ў залежнасці ад складанасці мерапрыемства, але і ад ступені ўдзелу ў ім (1-2 нумары, цэлы канцэрт і г.д.)
