Эксперты ДКСЭ пацвердзілі сапраўднасць бракаванай банкноты, якую ім прынёс калекцыянер.
Гаворка ідзе пра купюру наміналам 100 тысяч беларускіх рублёў узору 2000 года.
«Першапачатковае сумненне ў сапраўднасці і цэласнасці банкноты ўзнікла з-за наяўнасці двух розных серыйных нумароў на кожным з фрагментаў.
Судовымі экспертамі ўстаноўлена, што прадстаўленыя на экспертызу фрагменты раней складалі адзінае цэлае — грашовы білет Нацыянальнага банка Рэспублікі Беларусь наміналам 100 000 рублёў, узору 2000 года выпуску, выраблены прадпрыемствам, якое ажыццяўляе вытворчасць прадукцыі дадзенага віду, першапачатковы змест якога падвяргаўся тэхнічнаму змяненню спосабам падзелу яго на часткі (фрагменты) шляхам разрыву.
Існуючыя адрозненні ў рэквізітах — наяўнасць розных серыйных нумароў на адным грашовым білеце — абумоўлены адхіленнямі ад тэхналагічнага працэсу, дапушчанымі пры яго вытворчасці», — распавялі ў ДКСЭ.
Бракаваныя грашовыя знакі вельмі рэдкія і таму ўяўляюць цікавасць для калекцыянераў.
