З 7 чэрвеня 2026 года ў Беларусі ўводзіцца ліміт запазычанасці для абанентаў мабільнай сувязі. Аператары абавязаныя не дапускаць запазычанасці на асабовым рахунку абанента звыш 5 базавых велічынь (225 рублёў).
Як паведамілі ў Міністэрстве сувязі і інфарматызацыі, новаўвядзенне найперш накіравана на абарону ад ненаўмыснага назапашвання значных даўгоў у міжнародным роўмінгу.
Калі ўсталяваны ліміт нязручны, напрыклад, перад паездкай за мяжу, абанент можа звярнуцца ў офіс аператара і напісаць заяву на яго змяненне.
Адначасова ўводзіцца абмежаванне на падключэнне дадатковых паслуг праз SMS- або USSD-запыты. Цяпер такія запыты могуць ажыццяўляцца толькі шляхам самастойнага ўводу абанентам, што выключае выпадковую падпіску пры націсканні на ўсплывальнае акно.
Падставай для новаўвядзення з’яўляецца пастанова Савета Міністраў ад 4 сакавіка 2026 г. №108 «Аб радыёчастотным спектры».
