Вярхоўным лідарам Ірана стаў сын загінулага аяталы Алі Хаменеі Моджтаба Хаменеі. Пра гэта афіцыйна паведамілі іранскія дзяржаўныя СМІ. Моджтаба Хаменеі быў абраны Саветам экспертаў.
“Савет экспертаў па лідарстве большасцю галасоў прызначыў аяталу Хадж Сейеда Моджтабу Хаменеі трэцім лідарам Ісламскай Рэспублікі Іран”, — паведаміла IRNA.
Новаму вярхоўнаму лідару Ірана 56 гадоў. Ён з’яўляецца другім сынам Алі Хаменеі. Ён ніколі не займаў ніякіх дзяржаўных пасад, не выступаў з публічнымі прамовамі і не даваў інтэрв’ю. Разам з тым ён працаваў у апараце бацькі, каардынаваў адносіны з Корпусам вартавых Ісламскай рэвалюцыі.
Першая інфармацыя пра тое, што Моджтаба Хаменеі зменіць бацьку на пасадзе вярхоўнага лідара, з’явілася ў пачатку сакавіка. Аднак тады яна не знайшла афіцыйнага пацвярджэння. Паведамлялася, што рашэнне аб яго прызначэнні прымалася саветам пад ціскам КСІР.
