Выканаўчы савет Сусветнай федэрацыі стральбы з лука (World Archery) зняў абмежаванні на ўдзел беларускіх спартсменаў і каманд у спаборніцтвах пад эгідай федэрацыі. Рашэнне прынятае 13 мая 2026 года на анлайн-пасяджэнні і стала вынікам рэкамендацыі выканкама МАК ад 7 мая аб зняцці ўмоў удзелу, уведзеных у лютым 2022 і сакавіку 2023 года.
Рашэнне распаўсюджваецца выключна на спартсменаў і каманды з Беларусі і датычыцца толькі спаборніцтваў World Archery, уключаючы Кубак свету і чэмпіянаты свету. Удзел па-ранейшаму падпарадкоўваецца стандартным патрабаванням па допуску і антыдопінгавым правілам.
Пытанне пра ўдзел беларускіх спартсменаў у будучым чэмпіянаце Еўропы застаецца ў кампетэнцыі World Archery Europe, паведамілі ў федэрацыі.
🔥 Падтрымайце Reform.news данатам!
