Сёстры Свята-Елісавецінскага манастыра з продажам сваіх тавараў былі заўважаны на французскім востраве Корсіка. Пра гэта стала вядома «Хрысціянскай візіі» ад каталіцкіх парафій вострава.
У 2025 годзе сёстры ўжо бывалі на Корсіцы — у прыватнасці, аб’яву аб іх візіце публікаваў прыход горада Баніфачо. У аб’яве ўказвалася, што мінскі манастыр нібыта збірае сродкі для дзіцячага дома і псіхіятрычнай бальніцы.
Свята-Елісавецінскі манастыр і яго духоўнік протаіерэй Андрэй Лемяшонак вядомыя публічнай падтрымкай агрэсіўнай вайны Расіі супраць Украіны. Манастыр неаднаразова арганізоўваў мерапрыемствы ў падтрымку расійскай агрэсіі. За апошнія гады манашак выганялі з калядных кірмашоў у некалькіх еўрапейскіх краінах.
🔥 Падтрымайце Reform.news данатам!
