У Палескім прыродным запаведніку ратавальнікі і лесаводы працягваюць ліквідацыю ляснога пажару, паведамляе Дзяржаўная служба Украіны па надзвычайных сітуацыях. Паводле стану на 17:00 9 мая агнём пройдзена 1200 гектараў. Распаўсюджванню пажару спрыяюць засушлівае надвор’е і рэзкія парывы ветру.
Да тушэння прыцягнутыя 374 чалавекі, з іх 253 ратавальнікі ДСНС. Асабовы склад ротуюць для бесперапыннага выканання работ. Супрацоўнікі тушаць асобныя ачагі ўзгарання, не дапускаючы далейшага распаўсюджвання агню. Маніторынг тэрыторыі і выяўленне ачагоў тлення вядзецца з дапамогай беспілотнікаў. Сітуацыя знаходзіцца пад кантролем, запэўнілі ў ведамстве.
Раней Галоўнае ўпраўленне па праблемах ліквідацыі наступстваў катастрофы на Чарнобыльскай АЭС Гомельскага аблвыканкама заяўляла, што ўзровень радыяцыйнага фону ў Гомельскай вобласці не перавышаны ў сувязі з лясным пажарам у Чарнобыльскай зоне ва Украіне.
