Нафтавыя каціроўкі зноў падскочылі раніцай у чацвер на фоне тупіку ў перамовах ЗША і Ірана, а таксама захавання праблем з суднаходствам у Армузскім праліве. Учора Іран абвясціў пра перахоп двух гандлёвых суднаў у гэтай важнай транспартнай артэрыі.
У сваю чаргу ЗША працягваюць блакаду іранскіх партоў. Пры гэтым дзеянні амерыканскіх вайскоўцаў супраць суднаў, звязаных з Іранам, праводзяцца і па-за межамі рэгіёна. Паводле інфармацыі Reuters, у азіяцкіх водах былі перахоплены як мінімум тры іранскія танкеры.
Сёння ноччу кошт бліжэйшага ф’ючэрса на нафту маркі Brent падскокваў да 106 долараў за барэль. Пазней адбылася карэкцыя. Цяпер ф’ючэрс гандлюецца на ўзроўні каля 103 долараў за барэль.
Ф’ючэрс на амерыканскую нафту WTI падаражэў на 1,7% і каштуе каля 95 долараў за барэль.
