Камітэт дзяржаўнага кантролю сумесна з Міністэрствам сувязі і інфарматызацыі дамогся ад МТС змены ўмоў акцыі «Безліміт на поўнай хуткасці».
Акцыя была запушчана аператарам сувязі ў маі. Абаненты атрымалі СМС-паведамленні, у якіх паведамлялася, што ім падключана паслуга «Супер Безліміт», якая ўключае зняцце абмежаванняў хуткасці мабільнага інтэрнэту пры перавышэнні 30 ГБ у месяц. Меркавалася, што абанент можа бясплатна карыстацца паслугай два месяцы, а далей яна становіцца платнай. Згода абанента на працяг платнага карыстання паслугай правіламі акцыі прадугледжана не была.
«Камітэтам дзяржаўнага кантролю ва ўзаемадзеянні з Міністэрствам сувязі і інфарматызацыі звернута ўвага аператара сувязі на тое, што падобныя правілы могуць пацягнуць непрадбачаныя выдаткі абанентаў, паколькі не кожны чытае СМС-паведамленні. Унесены прапановы, каб платная паслуга актывавалася толькі па запыце кліента.
У выніку МТС прынята рашэнне скарэктаваць умовы рэкламнага мерапрыемства «Безліміт на поўнай хуткасці». Цяпер тым абанентам, якім аператар па ўласнай ініцыятыве падключыў акцыю, у апошні яе дзень будзе прапанавана накіраваць USSD-запыт для падключэння платнай паслугі «Супер Безліміт». Пры яго адсутнасці платная паслуга аказвацца не будзе», — расказалі ў КДК.
