Аляксандр Лукашэнка накіраваўся з комплексным візітам у рэгіён Усходняй і Паўднёва-Усходняй Азіі. Падчас паездкі запланаваныя перамовы на найвышэйшым узроўні з кіраўніцтвам шэрагу дзяржаў рэгіёна і абмеркаванне «маштабных і перспектыўных» праектаў у розных сферах.
Як паведамляе прэс-служба Лукашэнкі, маршрут складзе «дзясяткі тысяч кіламетраў», у камандзіровачным графіку — тры краіны, кожнаму з візітаў папярэднічала «вялікая падрыхтоўчая праца».
«Усходняя і Паўднёва-Усходняя Азія — рэгіён, які з’яўляецца адным з лідараў сусветнага развіцця і глабальным драйверам эканомікі. Гэтым абумоўлена высокая цікавасць да развіцця супрацоўніцтва з азіяцкімі дзяржавамі, што ўваходзіць у лік знешнепалітычных прыярытэтаў Беларусі, фарміруе аснову яе шматвектарнай палітыкі», — гаворыцца ў прэс-рэлізе.