Прэм’ер-міністры Беларусі і Расіі Аляксандр Турчын і Міхаіл Мішусцін у найбліжэйшы час правядуць перамовы. Пра гэта заявіў у Мінску міністр замежных спраў РФ Сяргей Лаўроў.
“У найбліжэйшыя дні чарговая сустрэча нашых прэм’ер-міністраў”, — сказаў ён пасля сустрэчы з Аляксандрам Лукашэнкам, перадае ТАСС.
Паводле яго слоў, на сустрэчы абмяркоўваліся будучыя мерапрыемствы.
“Гаварылі пра тыя мерапрыемствы, якія адбудуцца ўжо ў гэтым месяцы. Будзе і міжнародны культурны форум, будзе і форум у Брэсце, прысвечаны пачатку Вялікай Айчыннай вайны. На палях гэтага форуму адбудзецца пасяджэнне парламенцкага сходу Расіі і Беларусі”, — сказаў ён.
“Карацей кажучы, інтэнсіўнасць нашых сувязяў усім добра вядомая, і гэта ідзе на карысць не толькі вызначэнню на ўзроўні кіраўніцтва нашых краін далейшых шляхоў развіцця Саюзнай дзяржавы, але, вядома, ідзе на карысць простым, нармальным чалавечым зносінам, а гэта самы важны, самы трывалы падмурак нашых братэрскіх адносін”, — дадаў ён.
Лаўроў адзначыў, што гаварыў з Лукашэнкам пра міжнародныя справы.
“Безумоўна, сітуацыя вакол украінскага крызісу была ў цэнтры ўвагі, як гэта бывае рэгулярна падчас сустрэч нашых лідараў”, — сказаў ён.
