Спецыяльны пасланнік прэзідэнта ЗША Джон Коўл у сетцы Х пракаментаваў сённяшні абмен на мяжы Польшчы і Беларусі, у выніку якога быў вызвалены Анджэй Пачобут. Паводле слоў Коўла, вызвалены таксама грамадзяне Малдовы.
“Сёння, у якасці спецыяльнага пасланніка прэзідэнта Трампа па Беларусі, я і мая каманда дапамаглі дамагчыся вызвалення трох палякаў і двух малдаван. Гэты гістарычны вынік стаў магчымы дзякуючы лідарству прэзідэнта Трампа, Крысу Сміту і яго камандзе Дзяржаўнага дэпартамента ЗША і цеснай каардынацыі з некалькімі надзейнымі партнёрамі”, — напісаў Коўл.
Ён выказаў падзяку Польшчы, Малдове і Румыніі.
“Мы дзякуем Польшчы, Малдове і Румыніі за іх неацэнную падтрымку ў гэтых намаганнях, а таксама за гатоўнасць прэзідэнта Лукашэнкі да канструктыўнага ўзаемадзеяння са Злучанымі Штатамі. Пры прэзідэнце Трампе Амерыка падтрымлівае сваіх саюзнікаў і дасягае дыпламатычных перамог, недаступных нікому іншаму”, — заключыў Коўл.
