Экспарт беларускіх інвестыцыйных тавараў у студзені—красавіку скараціўся на 0,2% да 1,31 млрд долараў. На гэта ўказваюць даныя Белстата. Трэба адзначыць, што па выніках студзеня—сакавіка ён адставаў ад леташніх паказчыкаў на 1,8%.
Імпарт інвестыцыйных тавараў у студзені—красавіку вырас на 13,9% да 1,71 млрд долараў.
Гандаль прамежкавымі таварамі застаецца ў «зялёнай» зоне. Экспарт у першым квартале вырас на 20,9% да 7,39 млрд долараў, а імпарт — на 9% да 9,09 млрд долараў.
Экспарт спажывецкіх тавараў у студзені—красавіку вырас на 31,5% да 5,5 млрд долараў, у тым ліку харчавання — на 30,5% да 3,03 млрд долараў, а нехарчовых тавараў — на 32,7% да 2,475 млрд долараў.
Імпарт спажывецкіх тавараў павялічыўся ў студзені—красавіку на 27% да 5,89 млрд долараў, у тым ліку імпарт харчавання — на 30,3% да 1,54 млрд долараў, а нехарчовых тавараў — на 25,9% да 4,35 млрд долараў.