Германія прыме двух беларускіх апазіцыйных палітыкаў, вызваленых у выходныя: Марыю Калеснікаву і Віктара Бабарыку. Пра гэта заявіў федэральны міністр унутраных спраў Германіі Аляксандр Добрындт у праграме ARD «Bericht aus Berlin».
Вызваленне палітвязняў стала магчымым у значнай ступені дзякуючы пасярэдніцтву ўрада ЗША. У адказ ЗША знялі санкцыі на экспарт калію з Беларусі, гаворыцца ў рэпартажы ARD.
На гэтым прыкладзе відаць, што «нам трэба ўмець ладзіць з амерыканцамі» — нягледзячы на ўсе адрозненні і цяжкасці, адзначыў Добрындт. Германія надзвычай зацікаўленая ў тым, каб дэмакратычны рух Беларусі ў выгнанні быў умацаваны. «І таму мы ўжо сёння прымем двух выбітных апазіцыйных палітыкаў, якія знаходзіліся ў турме».
🔥 Падтрымайце Reform.news данатам!
