Банкі ў чэрвені павялічылі крэдытаванне фізічных асоб. За месяц было выдадзена крэдытаў на 1,82 млрд рублёў, што на 200 млн рублёў больш, чым у маі. У параўнанні з чэрвенем мінулага года аб’ём крэдытавання вырас на 46%. Такія даныя апублікаваў Нацбанк Беларусі.
У цэлым па выніках паўгоддзя сума крэдытаў, выдадзеных банкамі фізічным асобам, вырасла на 12% у параўнанні з аналагічным перыядам мінулага года.
Аб’ёмы спажывецкага крэдытавання ў студзені-чэрвені выраслі на 13,9% да 7,1 млрд рублёў. Крэдытаванне нерухомасці павялічылася на 5,3% да 1,7 млн рублёў.
Запазычанасць фізічных асоб па крэдытах за чэрвень вырасла на 582,9 млн рублёў і склала на 1 ліпеня 31,72 млрд рублёў. За год даўгі фізічных асоб па крэдытах выраслі на 13,7%.
Даўгі па спажывецкіх крэдытах павялічыліся на 18,3% да 12,96 млрд рублёў, а па крэдытах на нерухомасць — на 10,8% да 18,73 млрд рублёў.
На 1 ліпеня фізічныя асобы пратэрмінавалі крэдыты на 56,2 млн рублёў, што на 0,4 млн рублёў больш, чым па стане на 1 чэрвеня. За год аб’ём пратэрмінаванай запазычанасці вырас на 10,7 млн рублёў.