Міністр абароны Віктар Хрэнін правёў селектарную нараду з ваеннымі камісарамі па выкананні даручэння Лукашэнкі аб прызыве нядбайных работнікаў сельскагаспадарчых арганізацый у армію. На думку Лукашэнкі, такая мера павінна павысіць дысцыпліну падчас уборачнай кампаніі.
Як вынікае з паведамлення прэс-службы Мінабароны, ведамства яшчэ толькі “ва ўзаемадзеянні з мясцовымі органамі выканаўчай улады вызначае алгарытмы прызыву на ваенную службу (зборы) работнікаў і кіраўнікоў сельскагаспадарчых прадпрыемстваў, якія не забяспечылі выкананне сваіх абавязкаў у перыяд уборкі ўраджаю 2026 года”.
Вынікі гэтай прапрацоўкі збіраюцца далажыць Лукашэнку.
Хрэнін падзякаваў падначаленым за тое, што яны праехаліся па беларускіх гаспадарках.
«Ахоп гаспадарак, дзе вялася праца, стопрацэнтны. Мы, гэтак жа як і нашы работнікі сельскай гаспадаркі, з разуменнем ставімся да галоўнай задачы — уборкі ўраджаю», — сказаў Хрэнін.
У прэс-службе міністэрства паведамілі, што ён даручыў ваенкаматам “працягнуць узаемадзеянне з арганізацыямі сельскагаспадарчага сектара, — у тым ліку інфармацыйную працу па пытаннях, якія хвалююць насельніцтва, — да завяршэння ўборачнай кампаніі”.
