Нацыянальны банк апублікаваў даныя пра знешні гандаль таварамі і паслугамі па выніках студзеня—кастрычніка.
Беларускі экспарт тавараў і паслуг вырас на 1,1% да 41,835 млрд долараў. Імпарт павялічыўся на 2,7% да 43,03 млрд долараў. У выніку дэфіцыт знешняга гандлю таварамі і паслугамі склаў 1,19 млрд долараў, што ў 2,4 раза больш, чым за аналагічны перыяд 2024 года.
Экспарт тавараў, паводле даных Нацбанка, скараціўся на 2,1% да 32,55 млрд долараў, імпарт пры гэтым вырас на 1,8% да 37,02 млрд долараў. Дэфіцыт гандлю таварамі склаў 4,473 млрд долараў, што на 43% больш, чым год таму.
Экспарт паслуг вырас на 14,1% да 9,28 млрд долараў. Імпарт паслуг павялічыўся на 9% да 6 млрд долараў. Прафіцыт у гандлі паслугамі склаў 3,28 млрд долараў, што на 24,7% больш, чым у мінулым годзе па выніках студзеня—кастрычніка.