Дэфіцыт знешняга гандлю таварамі і паслугамі ў 2025 годзе склаў 1,8 млрд долараў. Такія даныя апублікаваў Нацбанк Беларусі. У параўнанні з дэфіцытам за 2024 год ён вырас на 18,3%.
Знешнегандлёвы абарот тавараў і паслуг у мінулым годзе зноў перавысіў 100 млрд долараў. Ён склаў 105,2 млрд долараў і вырас на 4,5%. Беларускі экспарт павялічыўся на 4,2% да 51,7 млрд долараў, а імпарт – на 4,7% – да 53,52 млрд долараў.
Экспарт тавараў у мінулым годзе павялічыўся на 1,2% да без малога 40 млрд долараў. Імпарт тавараў рос апераджальнымі тэмпамі. Ён павялічыўся на 3,9% да амаль 46 млрд долараў. У выніку дэфіцыт гандлю таварамі вырас на 26,6% да 5,96 млрд долараў.
Экспарт паслуг за 2025 год вырас на 16% да 11,72 млрд долараў. Імпарт пры гэтым павялічыўся на 9,3% да 7,565 млрд долараў. У выніку прафіцыт знешняга гандлю паслугамі вырас на 30,6% да 4,15 млрд долараў, але яго аказалася недастаткова, каб кампенсаваць дэфіцыт у гандлі таварамі.
