Польскае ўпраўленне па справах замежнікаў апублікавала дадзеныя пра беларусаў, якія пражываюць у Польшчы.
Паводле інфармацыі польскага дзяржаўнага органа, розныя дакументы на права пражывання ў Польшчы па стане на 1 красавіка маюць 139 343 грамадзяніны Беларусі, у тым ліку:
- 83 971 чалавек мае часовы від на жыхарства,
- 41 480 чалавек — пастаянны від на жыхарства,
- 10 203 чалавекі — статус дадатковай абароны,
- 2253 чалавекі — статус доўгатэрміновага рэзідэнта ЕС,
- 1028 чалавек — статус бежанца,
- 417 чалавек — статус часовай абароны,
- 171 чалавек — іншыя падставы.
Трэба адзначыць, што ў польскім сацстраху пры гэтым зарэгістраваныя больш за 140 тыс. грамадзян Беларусі. Аднак статыстыка Упраўлення па справах замежнікаў не ахоплівае ўладальнікаў працоўных віз.
У мінулым годзе беларусы падалі 52 550 заяў на атрыманне відаў на жыхарства ў Польшчы, за першы квартал гэтага года ад грамадзян Беларусі было атрымана 15 642 заявы.
У гэтым годзе за першы квартал беларусы атрымалі 5926 часовых відаў на жыхарства, 953 пастаянныя віды на жыхарства і 212 статусаў рэзідэнта ЕС. У дачыненні да грамадзян Беларусі было вынесена 846 негатыўных рашэнняў аб легалізацыі ў Польшчы, а разгляд 408 спраў быў спынены. Усяго ж Упраўленне па справах замежнікаў за студзень–сакавік вынесла 8345 рашэнняў па заявах грамадзян Беларусі.
64% відаў на жыхарства беларусам былі выдадзены на падставе працы, 25% — уз’яднання сям’і, 4% — адукацыі, па іншых абставінах — 7%.
Найбольш грамадзян Беларусі пражывае ў Мазавецкім ваяводстве — 54 тыс. чалавек, на другім месцы — Падляшскае (14 тыс.), на трэцім — Ніжнесілезскае (12 тыс.). Далей ідуць Паморскае (11,5 тыс.), Вялікапольскае (11 тыс.), Малапольскае (10 тыс.).
У першым квартале гэтага года ўпраўленне выдала грамадзянам Беларусі 1483 праязныя дакументы (dokument podróży). Усяго ж за 2020–26 год беларусы атрымалі 11 016 такіх дакументаў. Для параўнання, уся Польшча за той жа час выдала 12 663 дакументы. Для грамадзян Беларусі ў Польшчы дзейнічае спрошчаны парадак атрымання гэтага праязнога дакумента.
