Савет міністраў прыняў рашэнне кампенсаваць “Беларусбанку” страты па крэдыце, выдадзеным ААТ «Кіруючая кампанія холдынга «Беларускія шпалеры». Пастанова ўрада №312 ад 23 чэрвеня сёння апублікавана на Нацыянальным прававым інтэрнэт-партале.
Крэдытны дагавор паміж “Беларусбанкам” і “Беларускімі шпалерамі” быў заключаны 26 мая 2026 года. Сродкі прадастаўляюцца ў выглядзе крэдытнай лініі з максімальным памерам запазычанасці ў 20 млн рублёў. Грошы “Беларускія шпалеры” атрымліваюць для вытворчасці тавараў на экспарт. Стаўка па крэдыце складае 4/5 стаўкі рэфінансавання Нацбанка.
Страты “Беларусбанка” будуць кампенсавацца ў 2026–2029 гадах за кошт сродкаў рэспубліканскага бюджэту.
На генеральнага дырэктара “Беларускіх шпалер” і старшыню “Беллесбумпрама” ўскладзена персанальная адказнасць за забеспячэнне экспарту цэлюлознага палатна ў Расію на адрас ТАА «Хайджын Тэхноладжыз» і «Белла» на суму 1,755 млн рублёў у гэтым годзе і не менш за 3,51 млн рублёў у 2027–2029 гадах.