Беларускія прадпрыемствы ў маі, як і ў красавіку, часцей звальнялі, чым прымалі на працу. Пра гэта сведчаць даныя Белстата. У справаздачу не ўключаюцца звесткі пра мікра- і малыя прадпрыемствы без ведамаснай падпарадкаванасці.
Усяго ў маі былі прынятыя на працу 54,9 тыс. чалавек, а звольненыя — 65,7 тыс. Колькасць звольненых перавысіла колькасць прынятых на працу на 10 782 чалавекі.
Колькасць працаўладкаванняў у параўнанні з маем 2025 года вырасла на 6,2%, а звальненняў — на 8,8%.
Па выніках студзеня — мая беларускія прадпрыемствы прынялі на працу 258,4 тыс. чалавек, а звольнілі 285,6 тыс. Баланс склаўся на карысць звальненняў. Іх было на 27,3 тыс. больш.
У студзені — маі колькасць працаўладкаванняў вырасла на 4,1%, а звальненняў — на 5,7%.
У маі баланс на карысць звальненняў склаўся ў апрацоўчай прамысловасці (-1463), гандлі (-446), транспарце і лагістыцы (-445), адукацыі (-5039), ахове здароўя (-1746), творчасці, спорце, забавах і адпачынку (-539), энергетыцы (-2894).
Баланс на карысць працаўладкаванняў у маі склаўся ў сельскай, лясной і рыбнай гаспадарках (+438), у будаўніцтве (+446), інфармацыі і сувязі (+19), сферы паслуг па часовым пражыванні і харчаванні (+330).
Па выніках пяці месяцаў звальнялі больш, чым прымалі на працу, у апрацоўчай прамысловасці (-7530), ахове здароўя (-4521), транспарце і лагістыцы (-4389), гандлі (-1286), адукацыі (-8078).
У студзені — маі баланс на карысць працаўладкаванняў склаўся ў сельскай, лясной і рыбнай гаспадарках (+105), будаўніцтве (+2798), інфармацыі і сувязі (+477), дзяржаўным кіраванні (+24).