З 29 лістапада па 19 снежня пяць беларусаў былі прыцягнутыя да адміністрацыйнай адказнасці ў Расіі за спробу вывезці ў Беларусь ікру і морапрадукты.
Пяць аўтамабіляў, якія накіроўваліся ў Беларусь у абыход афіцыйных фітасанітарных пастоў, былі спыненыя ў Смаленскай вобласці Расіі. Яны везлі ікру і морапрадукты агульнай масай больш за 400 кг, паведамляе Расельгаснагляд.
Як устанавілі супрацоўнікі Расельгаснагляду, ва ўсіх выпадках у перавозчыкаў, грамадзян Беларусі, не было суправаджальных дакументаў на груз. Акрамя гэтага, прадукты перавозіліся ў багажніках і грузавых адсеках без захавання тэмпературнага рэжыму.
Больш за 250 кг ікры, а таксама мідыі, печань траскі і ракаў вярнулі адпраўнікам, а вадзіцеляў прыцягнулі да адміністрацыйнай адказнасці.
