Беларусь скарачае экспарт інвестыцыйных і прамежкавых тавараў, адначасова расце імпарт спажывецкіх тавараў, у тым ліку харчавання. На гэта ўказваюць новыя даныя Белстата аб гандлі інвестыцыйнымі, прамежкавымі і спажывецкімі таварамі па выніках 11 месяцаў.
Экспарт беларускіх інвестыцыйных тавараў у студзені — лістападзе скараціўся на 17,3% да 3,73 млрд долараў. У той жа час імпарт інвестыцыйных тавараў вырас на 7,5% да 4,54 млрд долараў.
Экспарт і імпарт прамежкавых тавараў скараціліся. Экспарт знізіўся на 7,1% да 17,79 млрд долараў, а імпарт — на 3,6% да 23 млрд долараў.
Экспарт спажывецкіх тавараў у студзені — лістападзе вырас на 11,3% да 13,2 млрд долараў, у тым ліку харчавання — на 15,9% да 7,36 млрд долараў, а нехарчовых тавараў — на 6% да 5,84 млрд долараў.
Імпарт спажывецкіх тавараў па выніках 11 месяцаў павялічыўся на 17,2% да 14,9 млрд долараў, у тым ліку харчавання — на 25,5% да 3,96 млрд долараў, а нехарчовых тавараў — на 14,5% да 10,9 млрд долараў.