У Мінску 24 чэрвеня адбыўся чарговы раўнд кансультацый паміж міністэрствамі замежных спраў Беларусі і Сербіі. Беларускую дэлегацыю ўзначаліў намеснік міністра замежных спраў Ігар Сакрэта, сербскую — дзяржаўны сакратар МЗС Дам’ян Ёвіч.
Як паведамляе прэс-служба беларускага МЗС, суразмоўцы абмеркавалі ўвесь спектр пытанняў двухбаковага парадку дня, надаўшы асаблівую ўвагу эканамічнаму ўзаемадзеянню. Удзельнікі таксама абмяняліся меркаваннямі па асноўных глабальных і рэгіянальных праблемах і пацвердзілі блізкасць падыходаў дзвюх краін па большасці з іх. Бакі дамовіліся падтрымліваць інтэнсіўны дыялог на ўсіх узроўнях.
У той жа дзень Ёвіч сустрэўся з міністрам замежных спраў Беларусі Максімам Рыжанковым. Бакі пацвердзілі ўзаемную зацікаўленасць у далейшым пашырэнні беларуска-сербскага супрацоўніцтва, праінфармавалі ў ведамстве.
