Банкі павінны накіроўваць 60% прыбытку на інвеставанне ў эканоміку. Пра гэта ў Нацыянальным сходзе заявіў старшыня праўлення Нацбанка Беларусі Раман Галоўчанка.
“Мэтавы арыенцір для банкаў – забяспечыць прырост аб’ёму інвестыцыйнага фінансавання за бягучую пяцігодку як мінімум у 1,5 раза, у тым ліку ў бягучым годзе – не менш за 13% росту, або амаль на 8 млрд рублёў. Гэтаму будуць садзейнічаць праактыўная палітыка банкаў і абавязковае накіраванне не менш за 60% ад прыбытку банкаў на інвеставанне ў эканоміку”, – сказаў ён.
Акрамя таго, паводле яго слоў, перад банкамі стаіць задача нарошчваць безадзыўныя ўклады ў рублях. За гэты год яны павінны павялічыццане менш чым на 40%.
“Пры гэтым асаблівую ўвагу банкі будуць надаваць прыцягненню дэпазітаў на тэрмін звыш трох гадоў. Да канца пяцігодкі ставім мэту давесці долю такіх дэпазітаў у агульным аб’ёме доўгатэрміновых укладаў да ўзроўню не менш за 10%”, – адзначыў Галоўчанка.