У суботу раніцай аэрапорт Мюнхена быў цалкам закрыты больш чым на гадзіну. Як піша Bild, каля 9 гадзін раніцы пілоты паведамілі пра падазроны аб’ект у раёне аэрапорта, меркавана беспілотнік.
Абедзве ўзлётна-пасадачныя паласы былі заблакаваныя, да месца здарэння прыбылі шматлікія сілы паліцыі, у тым ліку верталёт.
Каля 10:05 была абвешчана адмена трывогі.
«Падчас пошуку федэральнай паліцыяй ніякіх падазроных аб’ектаў выяўлена не было», — паведаміў прадстаўнік федэральнай паліцыі Штэфан Баер.
26 самалётаў не змаглі прызямліцца і былі перанакіраваныя ў іншыя аэрапорты, у тым ліку ў Франкфурт і Нюрнберг. Тры рэйсы былі адмененыя.
Гэта не першы падобны выпадак у Мюнхене. Аналагічныя сітуацыі фіксаваліся ў кастрычніку і лістападзе мінулага года.
🔥 Падтрымайце Reform.news данатам!