Адкрыты набор на бясплатную анлайн-школу Business & Economics Stars для старшакласнікаў і маладых людзей ва ўзросце ад 15 да 25 гадоў, якія хочуць пазнаёміцца з эканомікай, фінансамі і бізнесам да паступлення ва ўніверсітэт. Яна пройдзе з 8 красавіка па 8 мая, заяўкі прымаюцца да 6 красавіка.
Школу арганізуе BISEB — школа эканомікі і бізнесу, якая з’яўляецца філіялам Еўрапейскага гуманітарнага ўніверсітэта ў Вільнюсе і часткай міжнароднай даследчай сеткі FREE Network.
Курс падыдзе тым, хто разглядае спецыяльнасці ў галіне эканомікі, бізнесу і кіравання, будучым аналітыкам, фінансістам і менеджарам, а таксама тым, хто цікавіцца прадпрымальніцтвам або пакуль не вызначыўся са спецыяльнасцю, але хоча паспрабаваць сябе ў гэтай сферы.
За месяц удзельнікі даведаюцца, як працуе эканоміка ў рэальным жыцці, разбяруцца ў пытаннях асабістых фінансаў, зберажэнняў і інвестыцый, пазнаёмяцца з асновамі прадпрымальніцтва і папрацуюць над уласным праектам, які прадставяць на кейс-чэмпіянаце.
Заняткі будуць праходзіць анлайн на рускай мове па панядзелках і серадах з 18:00 да 19:30 па віленскім часе. Удзел бясплатны. Рэгістрацыя адкрыта на сайце biseb.school.
