Пасля больш чым двухтыднёвага пераследу праз Атлантычны акіян Злучаныя Штаты спрабуюць захапіць нафтавы танкер, звязаны з Венесуэлай. Пра гэта піша Reuters са спасылкай на двух амерыканскіх чыноўнікаў.
Паводле іх слоў, аперацыя праводзіцца сіламі Берагавой аховы ЗША пры падтрымцы ўзброеных сіл ЗША. Танкер, які раней насіў назву Bella-1, здолеў прайсці праз марскую «блакаду» санкцыянаваных суднаў і адбіў спробы берагавой аховы ЗША падняцца на борт.
У раёне правядзення аперацыі, паводле даных крыніц, знаходзіліся расійскія ваенныя караблі, уключаючы падводную лодку.
Танкер, цяпер вядомы як Marinera і зарэгістраваны пад расійскім сцягам, з’яўляецца апошнім танкерам, на які нацэлілася берагавая ахова ЗША з пачатку кампаніі ціску прэзідэнта ЗША Дональда Трампа на Венесуэлу.
Як паведамілі амерыканскія чыноўнікі, Берагавая ахова ЗША таксама перахапіла яшчэ адзін звязаны з Венесуэлай танкер у водах Лацінскай Амерыкі, паколькі ЗША працягваюць ажыццяўляць марскую «блакаду» суднаў з Венесуэлы, на якія накладзены санкцыі.
