Прэзідэнт Украіны Уладзімір Зяленскі правёў тэлефонную размову з прадстаўнікамі прэзідэнта ЗША Стывам Уіткафам і Джарэдам Кушнерам увечары 8 чэрвеня.
Зяленскі назваў размову «вельмі пазітыўнай».
«Вельмі пазітыўная размова. Удзячны за гатоўнасць працаваць максімальна актыўна ўжо ў найбліжэйшыя тыдні, каб надаць імпульс дыпламатыі для завяршэння вайны Расіі супраць Украіны.
Разумеем, колькі ўвагі ў свеце прыцягнута да сітуацыі вакол Ірана. Але наша агульная мэта адносна міру ў Еўропе застаецца на парадку дня», — напісаў Зяленскі ў тэлеграм-канале.
Прэзідэнт Украіны прадставіў суразмоўцам даныя пра настроі ў Расіі і падзякаваў амерыканскаму боку за «пазітыўную ацэнку пазіцый Украіны».
🔥 Падтрымайце Reform.news данатам!
