Спецпасланнік прэзідэнта ЗША Стыў Уіткаф і Джарэд Кушнер плануюць паездку ў Маскву для сустрэчы з прэзідэнтам РФ Уладзімірам Пуціным. Пра гэта піша Bloomberg са спасылкай на ананімныя крыніцы.
Паводле іх інфармацыі, сустрэча можа адбыцца ў студзені, але планы яшчэ канчаткова не ўзгодненыя, таму тэрміны могуць быць зрушаныя, напрыклад, праз падзеі ў Іране. Сустрэча павінна адбыцца ў межах намаганняў па дасягненні мірнага ўрэгулявання канфлікту ва Украіне.
Bloomberg адзначае, што прадстаўнік Белага дома заявіў, што такая сустрэча не запланаваная. У Расіі не адказалі на запыт агенцтва.
Крыніца Bloomberg паведаміла, што незразумела, наколькі Уладзімір Пуцін зацікаўлены ў такіх перамовах. Гэта пакуль з’яўляецца галоўнай перашкодай для вызначэння даты візітаў.
