Сёння ў Варшаве адбылося ўрачыстае перапахаванне Сяргея Пясецкага — знакамітага пісьменніка, удзельніка польска-бальшавіцкай вайны, афіцэра разведкі, салдата Арміі Краёвай, аўтара культавага рамана «Каханак Вялікай Мядзведзіцы», які сваёй творчасцю звязаў беларускую і польскую культуры.
Цырымонія перапахавання Сяргея Пясецкага. Фота: svaboda.org
Памёр пісьменнік у 1964 годзе ў Вялікабрытаніі і быў пахаваны на могілках у Гасцінгсе. Па просьбе яго нашчадкаў парэшткі былі эксгумаваныя і перапахаваныя ў Варшаве на Вайсковых могілках «Павонзкі».
Прэзідэнт Польшчы Караль Наўроцкі на цырымоніі перапахавання Сяргея Пясецкага. Фота: Мікалай Буяк. KPRP
На жалобнай цырымоніі выступіў прэзідэнт Польшчы Караль Наўроцкі. Ён сказаў, што сёння больш, чым калі-небудзь, патрэбныя гісторыя жыцця і літаратура Сяргея Пясецкага, каб гаварыць праўду пра бальшавізм, камуністычную сістэму, пра тое, якой пагрозай для Польшчы і для ўсёй Еўропы ёсць посткамуністычная, неаімперская Расія.
Прыгадаўшы службу пісьменніка ў польскай выведцы ў міжваенны час, крымінальны прысуд, змаганне ў Арміі Краёвай падчас Другой сусветнай вайны, Караль Наўроцкі адзначыў, што ягоная творчасць была не проста ўзорам выдатнай літаратуры, а зброяй, якая паказвала сутнасць камуністычнай сістэмы.
Падпісвайцеся на культурныя навіны Reform.news у Telegram
