Заняткі ў школах не адмяняюцца, нягледзячы на маразы, бо тэмпературы яшчэ не дасягнулі дастаткова нізкіх значэнняў. Пра гэта ў эфіры СТБ расказаў намеснік міністра Аляксандр Кадлубай.
«Наколькі мы бачым сёння і разумеем па тэмпературным рэжыме, а мы маніторым сітуацыю і па ўсіх нашых абласцях: па Віцебску, па Магілёве, па Гомелі, дзе ў мінулую пятніцу крыху больш было снегу, чым звычайна беларускай зімой. Мы хочам абазначыць, што ў гэтых сітуацыях па шэрагу раёнаў было прынята там, дзе ажыццяўляўся падвоз, прыпыніць падвоз, былі прапрацаваныя пытанні з сем’ямі, каб не падвяргаць дзяцей залішняй рызыцы пры перавозцы транспартам, але да суботы ўжо ўсё гэта было адноўлена.
Сёння мы можам адказаць па ўчарашнім дні і па сённяшнім, што ў нас у межах Рэспублікі Беларусь функцыянуе падвоз, няма парушэнняў тэмпературнага рэжыму ва ўстановах адукацыі, але і тэмпература навакольнага паветра яшчэ не адпавядае таму дыяпазону, калі неабходна прымаць рашэнне па спыненні дзейнасці ўстаноў адукацыі», — сказаў ён.
