У Мазыры затрыманы мясцовы праваабаронца і грамадскі актывіст Уладзімір Целяпун, паведамляе праваабарончы цэнтр “Вясна”. Паводле папярэдніх даных, ён быў узяты пад варту некалькі дзён або каля тыдня таму.
Мяркуецца, што ён утрымліваецца ў ізалятары часовага ўтрымання Мазырскага РАУС. Дакладныя прычыны і прававыя падставы затрымання пакуль высвятляюцца.
Уладзімір Целяпун вядомы ў рэгіёне сваёй дзейнасцю па абароне правоў чалавека, у тым ліку права на мірныя сходы. У 2019 годзе ён актыўна дапамагаў сем’ям, якія выхоўваюць дзяцей з інваліднасцю, калі тыя адстойвалі права на працу рэабілітацыйнага цэнтра “Вясёлка”.
🔥 Падтрымайце Reform.news данатам!
