У Літве адмянілі паветраную трывогу. Яна была абвешчана сёння раніцай з-за меркаванага дрона, заўважанага ў Беларусі каля літоўскай мяжы.
Першапачаткова трывога была абвешчана ў Ігналінскім, Уцянскім, Швянчонскім і Зарасайскім раёнах. Затым яе ўводзілі ў Віленскай акрузе, пры гэтым узровень трывогі быў павышаны да “чырвонага”, які прадугледжвае неабходнасць спусціцца ў сховішча. Паводле інфармацыі СМІ, у сховішчы былі пераведзены вышэйшыя службовыя асобы. Таксама быў закрыты аэрапорт Вільнюса.
Небяспека паветранай атакі ў Віленскай акрузе адменена, паведаміла літоўская армія ў 10:53. Таксама была адноўлена работа аэрапорта. Два рэйсы былі перанакіраваныя ў аэрапорт Рыгі.
Адначасова жоўты ўзровень небяспекі ўвялі ў Алітускім раёне, але і яго таксама неўзабаве адмянілі.
Магчымая пагроза паветранай прасторы сёння таксама абвяшчалася ў Латвіі.
