Аляксандр Лукашэнка падпісаў указ №97 аб афіцыйных геральдычных сімвалах Дзяржаўнага камітэта па стандартызацыі. Дакументам устаноўлены эмблема, сцяг і нагрудны знак адрознення Дзяржстандарта, а таксама палажэнне аб дадзеных геральдычных сімвалах, іх апісанне і выявы.
Эмблема ўяўляе сабой сіні круг з залацістай літарай Q у цэнтры — сімвалам якасці. Унутры таксама намаляваны контуры Беларусі і абрэвіятура СТБ (стандарт Беларусі). Сцяг і нагрудны знак паўтараюць выяву эмблемы.
“Наяўнасць афіцыйных геральдычных сімвалаў заклікана спрыяць захаванню і развіццю традыцый Дзяржстандарта”, — заявілі ў прэс-службе Лукашэнкі.
🔥 Падтрымайце Reform.news данатам!