Прэм’ер-міністр Беларусі Аляксандр Турчын сустрэўся з прэзідэнтам Туркменістана Сярдарам Бердымухамедавым. Турчын прыбыў у Туркменістан з візітам для ўдзелу ў мерапрыемстве фармату СНД.
Як паведамілі ў прэс-службе ўрада, падчас сустрэчы прэм’ер адзначыў плённае супрацоўніцтва ў рамках міжнародных арганізацый. У гуманітарнай сферы паказальнымі з’яўляюцца адносіны ў галіне адукацыі. У беларускіх ВНУ навучаецца вялікая колькасць студэнтаў з гэтай краіны.
Ёсць патэнцыял росту ўзаемнага гандлю. Сярод перспектыўных — аграпрамысловая і транспартна-інфраструктурная сферы.
“У апошнія гады ў нас узаемны аб’ём узаемнага гандлю паступальна павялічваецца кожны год. У Туркменістане запатрабаваная беларуская прадукцыя, у прыватнасці, малочныя тавары, фармацэўтычныя тавары, прадукцыя дрэваапрацоўкі. Магу адзначыць, што пры гэтым у апошнія гады ў нас расце, расце аб’ём паставак з Туркменістана ў Беларусь”, — пракаментаваў пасол Беларусі ў Туркменістане Станіслаў Чапурны.
Паводле яго слоў, рыхтуецца візіт туркменскай дэлегацыі на выставу “Белагра”.
