У Камітэце дзяржаўнага кантролю заявілі пра спыненне схемы ўхілення ад выплаты падаткаў, якую выкарыстоўвала адна з найбуйнейшых гомельскіх сетак стаматалагічных клінік. Паводле інфармацыі ведамства, паслугі аказваліся ў двух медыцынскіх цэнтрах, дзе працавалі больш за 100 супрацоўнікаў і налічвалася 25 кабінетаў.
Упраўленне ДФР КДК па Гомельскай вобласці сумесна з падатковымі органамі ўстанавіла, што ўладальнік сеткі падзяліў дзейнасць паміж дзвюма падкантрольнымі арганізацыямі. Адна з іх прымяняла спрошчаную сістэму падаткаабкладання. Гэта дазваляла размяркоўваць выручку паміж кампаніямі і зніжаць падатковыя абавязацельствы.
Акрамя таго, значная частка наяўнай выручкі ад стаматалагічных паслуг не адлюстроўвалася ў бухгалтарскім уліку. Агульны аб’ём схаваных ад падаткаабкладання сродкаў перавысіў 5 млн рублёў. Паводле даных КДК, частка няўлічанай выручкі выкарыстоўвалася для выплаты супрацоўнікам заробкаў «у канвертах», астатнія сродкі ўладальнік траціў на асабістыя мэты. Агульная сума нявыплачаных падаткаў перавысіла 3,3 млн рублёў.
У дачыненні да ўладальніка сеткі і службовых асоб арганізацый распачаты крымінальныя справы. На маёмасць падазраваных накладзены арышт.
“Яны даюць прызнальныя паказанні, актыўна супрацоўнічаюць са следствам і прымаюць меры па пагашэнні шкоды”, – заявілі ў ведамстве.
