Прэзідэнт ЗША Дональд Трамп заявіў, што адказ Ірана на прапанову аб урэгуляванні канфлікту яго не задавальняе.
“Я толькі што прачытаў адказ так званых “прадстаўнікоў” Ірана. Мне ён не падабаецца. Ён цалкам непрымальны”, — напісаў Трамп у сацыяльнай сетцы Truth Social.
Паводле інфармацыі The Wall Street Journal, прапанова іранскага боку прадугледжвала спыненне баявых дзеянняў, паэтапнае аднаўленне камерцыйнага суднаходства праз Армузскі праліў, адмену амерыканскай блакады іранскіх партоў. Перамовы па ядзернай праграме прапаноўвалася адкласці. Газета напісала, што Іран таксама прапанаваў разбавіць частку высокаўзбагачанага ўрану і перадаць рэшту трэцяй краіне.
Іранскае агенцтва Tasnim адзначыла, што публікацыя амерыканскай газеты часткі ядзернай праграмы не адпавядае рэчаіснасці. Паводле інфармацыі агенцтва, Іран запатрабаваў неадкладнага спынення вайны, зняцця марской блакады і адмены нафтавых санкцый на працягу 30 дзён
